Төгүрүк остуол ыалдьыта — тыл үөрэҕин билимин хандьыдаата, гуманитарнай чинчийии Институтун саха тылын быһаарыылаах тылдьытын салаатыгар старшай лаборанынан үлэлээбит, элбэх оҕолоох ийэ, блогер Копырина Елена Петровна.
Олунньу 18 күнүгэр маннык ааттаах төгүрүк остуол ыытылынна.
Кэпсэтии саха уутуйан олорор 14 улууһугар, ол иһигэр Аммаҕа, Бүлүүгэ, Горнайга, Мэҥэ-Хаҥаласка, Намҥа, Орто Халымаҕа, Сунтаарга, Тааттаҕа, Уус Алдаҥҥа, Үөһээ Бүлүүгэ, Үөһээ Дьааҥыга, уонна Дьокуускай куорат сахалыы иитэр-үөрэтэр тэрилтэлэригэр 5-17 саастаах оҕолор сахалыы саҥарар таһымнарыгар чинчийиини ыыппыт гуманитарнай институт үлэһитэ Вилюяна Николаевна Никитина уһуйааммытыгар ыыппыт чинчийиитин түмүгүн иһитиннэрииттэн саҕаланна. Чинчийии бэлэмнэнии бөлөх оҕолоругар ыытыллыбыта.
Ыалдьыппыт Елена Петровна оҕолорун сахалыы саҥардан иитии уопутун саха тылын учуонайын да быһыытынан, ийэ да быһыытынан толору арыйан кэпсээтэ. Ыйытыыларга хоруйдаата, сүбэлэри биэрдэ. Иитээччилэр тус санааларын үллэһиннилэр, сүбэ-соргу тардыстылар, онон, төгүрүк остуол сыалын-соругун ситтэ.
Елена Петровнаҕа – төрөөбүт төрүт тылбыт сайдыытыгар туһуламмыт үлэҥ иһин барҕа махтал буолуохтун, бары Кэрэни, Сырдыгы, Үөрүүнү баҕарабыт!