Олоҥхо – саха норуотун тылынан уус-уран айымньытын саамай үрдүк чыпчаала буолар. Олоҥхо тыла саха омук бастыҥ баайа, кэрэ киэргэлэ,үрүйэ уутунуу ыраас, үйэлэри уҥуордаан кэлбит албан айымньы.
Олоҥхо – саха норуотун тылынан уус-уран айымньытын саамай үрдүк чыпчаала буолар. Олоҥхо тыла саха омук бастыҥ баайа, кэрэ киэргэлэ,үрүйэ уутунуу ыраас, үйэлэри уҥуордаан кэлбит албан айымньы.
Олонхо декадатын чэрчитинэн 51-нүөмэрдээх «Кэскил» уһуйааҥҥа Евдокия Иринцеева – Огдо «Мэндэ бухатыыр» диэн Валентина Якимец туруоруутун оҕолор биир тыынынан көрдүлэр. Бу Алексей Павлов салайааччылаах Саха Өрөспүүбүлүкэтин үүнэр көлүөнэтин судаарыстыбаннай тыйаатырын артыыстара, Мария Иванова сйенографията уонна көстүүмнэрэ.
Саала иһэ лыык курдук толору, артыыстар эгэлгэ талааннарын, куоластарын, хамсаныыларын, таҥастарын-саптарын хайҕаатыбыт, сөхтүбүт, астынныбыт.
Маны сэргэ, улахан уонна бэлэмнэнии бөлөх оҕолоро кыра оҕолорго бэйэлэрэ олоҥхо көрдөрдүлэр. Улахан оҕолорбут тыллара-өстөрө, оонньууллара тупсан иһэр. Кыра бөлөхтөр олус сэргээн көрдүлэр.
Улуу олоҥхобут үйэлэртэн-үйэлэргэ бэриллэн үүнэ, сайда турарыгар баҕарабыт. Саха норуотун киэн туттуутун, сүдү баайын - олоҥхону харыстыахха, сайыннарыахха!