2025 сыл ыам ыйын 7 күнүгэр Улуу Кыайыы 80 сылын көрсө Дьокуускайдааҕы 51 №-дээх Е.Г.Корнилова аатынан “Кэскил” уһуйаан улахан уонна бэлэмнэнии бөлөҕүн оҕолоро, иитээччилэр, үлэһиттэр хаамыыга таҕыстылар. Бу - биһиги уһуйааммыт биир үтүө үгэһэ.
2025 сыл ыам ыйын 7 күнүгэр Улуу Кыайыы 80 сылын көрсө Дьокуускайдааҕы 51 №-дээх Е.Г.Корнилова аатынан “Кэскил” уһуйаан улахан уонна бэлэмнэнии бөлөҕүн оҕолоро, иитээччилэр, үлэһиттэр хаамыыга таҕыстылар. Бу - биһиги уһуйааммыт биир үтүө үгэһэ.
Ильмень күөлгэ Новгород уобалаһын Старорусскай оройуонун босхолооһун иһин 1943 сыл олунньу 23 күнүгэр буолбут кырыктаах кыргыһыыга 19-с анал хайыһар биригээдэтин байыастара, ол иһигэр 400-тэн тахса саха саллаата хорсуннук сэриилэспиттэрэ, эйэлээх олох туһугар сырдык тыыннарын толук уурбуттара.
Уһуйааммыт таһыттан Ильмень күөлгэ кыргыспыт буойуттарга аналлаах искибиэргэ дылы - 900 миэтирэ. Десантник, моряк, артиллерист, хайыһардьыт пуормаларын таҥныбыт оҕолору бөлөхтөрүнэн иитээччилэр салайан хаамтардылар. Оҕолор биир көстүүлээх былаахтары, эйэ холуубун, аалай сибэккилэри, туруйалары онтон да атын кыайыы, эйэ символларын тутан, биир тэҥҥэ хааман тиийдилэр. Искибиэргэ тиийэн, оҕолор хоһоон эттилэр, сэрии кэминээҕи ырыалары ыллаатылар. Эйэлээх олох туһугар тыыннарын харыстаабакка охсуспут биир дойдулаахтарбытын кэриэстээн, саҥата суох иһийэн турдулар.
Хаамыыга оҕолор эрдэттэн бэлэмнэнэллэр. Ырыаларын, хоһооннорун хатылыыллар, барааттыырга үөрэнэллэр. Маннык тэрээһин оҕолору Ийэ дойду историятын билэргэ, төрөөбүт куораттарын таптыырга, аҕа саастаах көлүөнэни ытыктыырга үөрэтэр. Хаамыы кэмигэр оҕолорго куттал суох буолуутун бары бэрээдэгэ тутуһулунна.
Ытык-мааны бэтэрээннэр, ис сүрэхтэн махталбытын этэбит!
Туругурдун Улуу Кыайыы 80 сыла! Ким да умнуллубат, туох да умнуллубат!
https://ykt-dou51.obr.sakha.gov.ru/news/front/view/id/3326946