Национальная координационная Сеть ассоциированных школ в Российской Федерации

Уопсастыба сүрүн төрүтэ – дьиэ кэргэн. Дьиэ кэргэнтэн киһи Киһи быһыытынан сайдыыта, инники олоҕор туһаныахтаах үөрүйэҕэ, иитиитэ, духуобунаһа, майгыта иитиллэн тахсар. Оттон дьиэ кэргэҥҥэ кэргэн, ийэ, эбэ оруола улахан.
 

Кыттааччылар 3 түhүмэххэ кытыннылар:

Бастакы түһүмэх – бэйэни билиһиннэрии

Иккис түһүмэх – талааны көрүү

Үһүс түһүмэх – дьиэтээҕи үлэ презентацията: Кыайыы 80 сылыгар аналлаах панно көмүскээһин.

Күрэх балаһыанньатынан, «Бэйэни билиһиннэрии» манна кыттааччылар бэйэлэрин уонна кыайыыны уһансыбыт ытык дьоннорун туһунан кэпсээтилэр. Иккис түһүмэххэ дьиэ кэргэнинэн талба талааннарын көрдөрдүлэр. Ким таҥас-сап тигэн, киэргэл эгэлгэтин оҥорон, үҥкүүлээн, ыллаан олус үчүгэйдик бэлэмнэнэн көрдөрдүлэр. Онтон «Дьиэтээҕи үлэ» диэн түhүмэххэ кэрэ аҥардарбыт Кыайыы 80 сылыгар аналлаах панно оҥорон көрөөччүлэри сөхтөрдүлэр.

Дьүүллүүр сүбэҕэ:

уhуйааммыт сэбиэдиссэйэ ‐- Сардана Михайловна Захарова;

Уhуйаан социальнай педагога — Барашкова Жанна Федоровна;

төрөппүт сүбэтиттэн - Попова Анастасия Афанасьевна үлэлээтилэр.

Дьүүллүүр сүбэҕэ кыайыылаахтары таларга уустук этэ. Кыттааччылар - үрдүк таһымнаахтык бэлэмнэммиттэр, биһиги эбэлэрбит, ийэлэрбит үнкүүһуттэр, ырыаһыттар, иистэнньэннэр - бары олус талааннаах, араас дьоҕурдаах кэрэ аҥардар.

🔸Кыттааччыларга кыайыылаах уонна анал ааттар иҥэриллиннилэр.

• I үрдэл -  “Тииҥчээн” бэлэмнэнии бөлөхтөн Филиппова Людмила Револьевна, кыыһа Туйаара, эбэлэрэ Филиппова Матрена Николаевна
• "Дьоҕурдаах дьиэ кэргэн" анал аат -  “Үнүгэсчээн” бэлэмнэнии бөлөхтөн Трофимова Аида Аяновна, кыыһа Доминика, эбэлэрэ Трофимова Федора Егоровна.
• «Талба талааннаах дьиэ кэргэн» - “Үрүмэччи” орто бөлөхтөн Лазарева Аксинья Андреевна, кыыһа Аэлита, эбэлэрэ Лазарева Светлана Васильевна.
• «Үгэһи үйэтитээччи дьиэ кэргэн» -  “Сардаана” улахан бөлөхтөн Жиркова Нария Егоровна, кыыһа Мия, эбэлэрэ Жиркова Марта Маратовна.

Бары кыттааччыларга махталбытын тиэрдэбит! Кэрэни кэрэхсээҥ, үтүөнү үксэтиҥ!