Сэтинньи 21 күнүгэр улахан логопедическай "Сайдам" бөлөххө аҕаларбытын кытары "Баай Барыылаах Байанай" тэрээһиммит буолан ааста. Группабыт иитиллээччитин эһэтэ Афанасий Петрович кэлэн оҕолорбутугар Байанай сиэрин-туомун, бултуур тэриллэр, кыыллар уонна кинилэр суолларын туһунан олус интэриэһинэйдик кэпсээн-ипсээн үөртэ, оҕолору көҕүлээтэ 👏🏻 Салҕыы оҕолор уонна төрөппүттэр икки хамаандаҕа арахсан араас күрэхтэргэ кытыннылар. Ол курдук "Бэргэн ытааччы", "Сымса Балыксыт", "Кыыллар суолларын таай" түһүмэхтэр ситиһиилээхтик, өрө күүрүүлээхтик аастылар. Күрэхтэһии түмүгэр оҕолор аҕаларыгар, эһэлэригэр бэйэлэрэ оҥорбут истиҥ бэлэхтэрин үөрэ-көтө туттардылар! Бары аҕаларбытыгар, эһэлэрбитигэр, ийэлэрбитигэр "Сайдам" бөлөх иитээччилэрин ааттарыттан махталбытын тиэрдэбит!
"Кустук" бөлөх төрөппүтэргэ уонна оҕолорго Байанай ыйын түмүктүүр арылдьыйыы ыыттылар. Төрөппүтэр таабырын таайсан, оҕолорун кытта тэҥҥэ сүүрэн-көтөн, оонньоон сэргэхсийэн астынан бардылар.